ບັນຍາກາດຕະຫຼາດຍັງຄົງມີທ່າທີໃນແງ່ດີຢ່າງລະມັດລະວັງ ຕາມແຮງຂັບເຄື່ອນໃນທາງບວກຈາກມື້ກ່ອນ ເຖິງແມ່ນວ່າຄວາມຄາດຫວັງຕໍ່ຂໍ້ມູນເສດຖະກິດແລະເຫດການສຳຄັນໃນມື້ນີ້ຈະຊ່ວຍຫຼຸດທອນຄວາມເປັນບວກລົງກໍຕາມ. ຂໍ້ມູນການຈ້າງງານຂອງສະຫະລັດແລະບົດບັນທຶກການປະຊຸມ Fed ທີ່ຜ່ານມາໄດ້ຈຸດປະກາຍຄວາມຫວັງວ່າ Federal Reserve ອາດຈະຫຼຸດອັດຕາດອກເບ້ຍ ຊຶ່ງເຮັດໃຫ້ເງິນໂດລາສະຫະລັດອ່ອນຄ່າລົງ ແລະເພີ່ມຄວາມນ່າສົນໃຈຂອງສິນຊັບທີ່ມີຄວາມສ່ຽງສູງກວ່າ.
EURUSD ແລະ GBPUSD ພຸ່ງຂຶ້ນເຖິງລະດັບສູງສຸດໃນຮອບປີ ໂດຍໄດ້ແຮງໜູນຈາກເງິນໂດລາສະຫະລັດທີ່ອ່ອນຄ່າລົງ ແລະຄວາມຄາດຫວັງວ່າ Fed ຈະຫຼຸດອັດຕາດອກເບ້ຍ. ແຕ່ USDJPY ຍັງບໍ່ສາມາດປັບຕົວຂຶ້ນໄດ້ ເນື່ອງຈາກສັນຍານທີ່ຂັດແຍ້ງກັນກ່ຽວກັບທິດທາງນະໂຍບາຍຂອງທະນາຄານກາງຍີ່ປຸ່ນ (BoJ) ແລະດັດຊະນີ PMI ເດືອນສິງຫາທີ່ຕໍ່າກວ່າຄາດ. AUDUSD ແລະ NZDUSD ຂາດແຮງສົ່ງຂຶ້ນ ເຖິງຈະແຕະລະດັບສູງສຸດໃນຮອບເດືອນ ໂດຍມີຄວາມກັງວົນກ່ຽວກັບການເຕີບໂຕທາງເສດຖະກິດຂອງຈີນເປັນປັດໃຈກົດດັນ. USDCAD ຍັງຄົງຖືກກົດດັນ ເຖິງລາຄານ້ຳມັນດິບຈະອ່ອນຕົວລົງ ເນື່ອງຈາກຂໍ້ມູນດັດຊະນີລາຄາຜູ້ຜະລິດ (PPI) ຂອງການາດາທີ່ເປັນບວກຊ່ວຍໜູນເງິນການາດາ.
ນັກຊື້ຂາຍນ້ຳມັນດິບເຫັນວ່າສະຕັອກປະຈຳອາທິດຫຼຸດລົງຫຼາຍກວ່າຄາດ ແຕ່ກໍບໍ່ສາມາດພະຍຸງລາຄານ້ຳມັນດິບໄວ້ໄດ້ ເນື່ອງຈາກກັງວົນວ່າຄວາມຕ້ອງການຈະຊະລໍຕົວ ແລະບັນຫາດ້ານອຸປະທານຈາກຕາເວັນອອກກາງກຳລັງຜ່ອນຄາຍລົງ.
ນອກຈາກນີ້ ລາຄາຄຳປັບຕົວລົງຈາກລະດັບສູງສຸດໃໝ່ຕະຫຼອດການທີ່ເພິ່ງເຮັດໄດ້ ເນື່ອງຈາກອັດຕາຜົນຕອບແທນພັນທະບັດຄັງເງິນສະຫະລັດອາຍຸ 30 ປີ ຟື້ນຕົວຂຶ້ນຈາກລະດັບຕ່ຳສຸດໃນຮອບ 13 ມື້.
BTCUSD ແລະ ETHUSD ຕ່າງກໍປັບຕົວຂຶ້ນຢ່າງຫຼາຍ ໂດຍມີປັດໄຈຈາກເງິນໂດລາສະຫະລັດທີ່ອ່ອນຄ່າລົງ ແລະຄວາມຫວັງທີ່ກັບມາວ່າ ອະດີດປະທານາທິບໍດີ Donald Trump ອາດຊ່ວຍສ້າງສະພາບແວດລ້ອມທີ່ເອື້ອອຳນວຍຕໍ່ສະກຸນເງິນດິຈິຕອນ ຫາກໄດ້ຮັບເລືອກຕັ້ງຄືນ. ແນວໃດກໍຕາມ ການໂອນ Bitcoin ຈຳນວນຫຼາຍອອກຈາກກະເປົາເງິນ Mt. Gox ໄດ້ກະຕຸ້ນໃຫ້ເກີດຄວາມກັງວົນບາງສ່ວນກ່ຽວກັບຄວາມໝັ້ນຄົງຂອງການປັບຕົວຂຶ້ນໃນໄລຍະຫຼ້າສຸດ.
ໂດຍລວມແລ້ວ ຕະຫຼາດກຳລັງເຜີຊິນກັບສະພາບການທີ່ຊັບຊ້ອນ ແລະມີສັນຍານທີ່ປະສົມປົນກັນ. ຄວາມຫວັງຕໍ່ການຫຼຸດອັດຕາດອກເບ້ຍທີ່ອາດເກີດຂຶ້ນຂອງ Fed ແລະຂ່າວດີກ່ຽວກັບສະກຸນເງິນດິຈິຕອນ ຖືກຖ່ວງດຸນດ້ວຍຄວາມບໍ່ແນ່ນອນທາງເສດຖະກິດ ແລະຄວາມກັງວົນດ້ານພູມລັດສາດ.
ຕໍ່ໄປນີ້ແມ່ນຄວາມເຄື່ອນໄຫວຫຼ້າສຸດຂອງສິນຊັບຫຼັກ:
ການປັບປຸງຕົວເລກເບື້ອງຕົ້ນຂອງຈຳນວນການຈ້າງງານນອກຂະແໜງກະສິກຳ (NFP) ສຳລັບປີທີ່ສິ້ນສຸດໃນເດືອນມີນາ 2024 ເຊິ່ງເຜີຍແຜ່ໂດຍສຳນັກງານສະຖິຕິແຮງງານສະຫະລັດ (BLS) ລະບຸວ່າ ມີການປັບຫຼຸດລົງຢ່າງຫຼາຍ -818K. ການປັບປຸງນີ້ສະແດງວ່າ ຈຳນວນຕຳແໜ່ງງານສະເລ່ຍຕໍ່ເດືອນຫຼຸດລົງ 68K ຕຳແໜ່ງ ເຮັດໃຫ້ຄ່າສະເລ່ຍຫຼຸດລົງມາຢູ່ທີ່ 174K. ການເຕີບໂຕຂອງການຈ້າງງານທີ່ຊ້າລົງນີ້ ມີສ່ວນເຮັດໃຫ້ທັດສະນະຕໍ່ຕະຫຼາດແຮງງານສະຫະລັດເປັນລົບ.
ຈາກຂໍ້ມູນການຈ້າງງານທີ່ອ່ອນແອລົງ ແລະການສົນທະນາທີ່ຍັງດຳເນີນຕໍ່ໄປກ່ຽວກັບການປັບປ່ຽນນະໂຍບາຍທີ່ອາດເກີດຂຶ້ນ ເງິນໂດລາສະຫະລັດຈຶ່ງຖືກກົດດັນໃຫ້ອ່ອນຄ່າລົງ. ບົດບັນທຶກການປະຊຸມຄະນະກຳມະການຕະຫຼາດເປີດຂອງລັດຖະບານກາງ (FOMC) ຄັ້ງຫຼ້າສຸດຂອງທະນາຄານກາງສະຫະລັດເປີດເຜີຍວ່າ ຜູ້ວາງນະໂຍບາຍ “ສ່ວນໃຫຍ່ຫຼາຍ” ເຫັນວ່າການຫຼຸດອັດຕາດອກເບ້ຍນ່າຈະເໝາະສົມໃນການປະຊຸມຄັ້ງຕໍ່ໄປ. ທ່າທີຜ່ອນຄາຍນະໂຍບາຍນີ້ຍິ່ງມີສ່ວນເຮັດໃຫ້ເງິນໂດລາສະຫະລັດອ່ອນຄ່າລົງ.
ດັ່ງນັ້ນ ດັດຊະນີເງິນໂດລາສະຫະລັດ (DXY) ເຊິ່ງວັດແທກຄວາມແຂງຄ່າຂອງເງິນໂດລາສະຫະລັດທຽບກັບກະຕ່າເງິນຕາຫຼັກ 6 ສະກຸນ ໄດ້ຫຼຸດລົງເປັນມື້ທີ 4 ຕິດຕໍ່ກັນ ແລະແຕະລະດັບຕ່ຳສຸດຂອງປີຢູ່ໃກ້ 100.90. ແນວໃດກໍຕາມ ດັດຊະນີນີ້ໄດ້ປັບຂຶ້ນເລັກນ້ອຍໃນຊ່ວງຕະຫຼາດອາຊີຂອງວັນພະຫັດ ເຊິ່ງອາດສະທ້ອນເຖິງຄວາມເປັນໄປໄດ້ທີ່ຈະຊົງຕົວ ຫຼືດີດກັບຄືນຊົ່ວຄາວ.
ການອ່ອນຄ່າຂອງເງິນໂດລາສະຫະລັດສົ່ງຜົນໃຫ້ EURUSD ຂຶ້ນໄປແຕະຈຸດສູງສຸດຂອງປີ. ການປັບຂຶ້ນນີ້ເກີດຂຶ້ນ ແມ່ນວ່າ Fabio Panetta ສະມາຊິກຄະນະກຳມະການຜູ້ກຳກັບຂອງຘະນາຄານກາງເອີຣົບ (ECB) ໄດ້ກ່າວຖ້ອຍຄຳທີ່ສະທ້ອນຖຶງທ່າທີທີ່ຜ່ອນຄາຍ. ສິ່ງນີ້ຊີ້ໃຫ້ເຫັນວ່າ ຄ່າເງິນยູໂຕໄດ້ເພີ່ມຂຶ້ນຫຼາຍ ເນື່ອງຈາກເງິນໂດລາສະຫະລັດອ່ອນຄ່າ ຫຼາຍກ່າຈະໄດ້ຮັບການສະຫນັບສະຫນູນອັນແຂັງແກ່ນຈາກນະໂຍບາຍຂອງ ECB.
ເຊັ່ນດຽວກັນ GBPUSD ໄດ້ຂຶ້ນເຖິງລະດັບສູງສຸດໃໝ່ ນັບຕັ້ງແຕ່ເດືອນກໍລະກົດ 2023. ການປັບຂຶ້ນນີ້ເກີດຂຶ້ນ ເຖິງແມ່ນວ່າຂໍ້ມູນເສດຖະກິດຂອງອັງກິດຈະມີທັງດ້ານບວກແລະລົບ ແລະທະນາຄານກາງອັງກິດ (BoE) ຍັງຄົງສະໜັບສະໜູນອັດຕາດອກເບ້ຍທີ່ສູງ. ນີ້ຊີ້ວ່າຕະຫຼາດກຳລັງໃຫ້ຄວາມສຳຄັນກັບການອ່ອນຄ່າຂອງເງິນໂດລາສະຫະລັດ ຫຼາຍກວ່າສະຖິຕິຫຼ້າສຸດຂອງອັງກິດ.
USDJPY ຍັງຄົງມີສະຖຽນລະພາບພໍສົມຄວນ ແຕ່ຍັງຫາທິດທາງບໍ່ໄດ້. ຜົນຂໍ້ມູນ PMI ຈາກຍີ່ປຸ່ນທີ່ອອກມາປະສົມກັນ ແລະ ຄວາມບໍ່ແນ່ນອນກ່ຽວກັບຄວາມສາມາດຂອງທະນາຄານກາງຍີ່ປຸ່ນ (BoJ) ໃນການຂຶ້ນອັດຕາດອກເບ້ຍຕື່ມ ລ້ວນແຕ່ເປັນປັດໄຈທີ່ເຮັດໃຫ້ຄູ່ເງິນນີ້ຂາດແຮງຂັບເຄື່ອນ.
AUDUSD ແລະ NZDUSD ຕ່າງກໍສະແດງສັນຍານການເຄື່ອນໄຫວຢູ່ໃນກອບແຄບ ຫຼັງຈາກປັບຕົວຂຶ້ນໃນຊ່ວງຜ່ານມາ. AUDUSD ກຳລັງປົກປ້ອງລະດັບຂອງຕົນ ຫຼັງຈາກຖອຍລົງຈາກລະດັບສູງສຸດຂອງເດືອນ ໂດຍໄດ້ຮັບແຮງໜູນຈາກຂໍ້ມູນ PMI ຂອງອົດສະຕຣາລີທີ່ເປັນບວກ. ແຕ່ NZDUSD ໄດ້ຢຸດການປັບຕົວຂຶ້ນຕໍ່ເນື່ອງ 4 ມື້ ທ່າມກາງຄວາມກັງວົນທີ່ຍັງມີຕໍ່ການເຕີບໂຕທາງເສດຖະກິດຂອງຈີນ. ຂະນະດຽວກັນ ຄູ່ NZDUSD ກຳລັງຖືກກົດດັນ ເຖິງແມ່ນລາຄານ້ຳມັນດິບຈະອ່ອນຕົວລົງ ເນື່ອງຈາກຂໍ້ມູນເງິນເຟີ້ຂອງການາດາທີ່ສູງຂຶ້ນ ມີຜົນຫຼາຍກວ່າຜົນກະທົບຈາກລາຄານ້ຳມັນທີ່ຫຼຸດລົງ.
ອົງການສານສະໜເທດດ້ານພະລັງງານຂອງສະຫະລັດ (EIA) ລາຍງານວ່າ ສະຕັອກນ້ຳມັນດິບຫຼຸດລົງຫຼາຍກວ່າທີ່ຄາດການໄວ້ ໂດຍຫຼຸດລົງ 4649K ບາເຣວ ທຽບກັບທີ່ຄາດໄວ້ 2672K ບາເຣວ. ເຖິງຢ່າງນັ້ນ ຄວາມກັງວົນວ່າຄວາມຕ້ອງການພະລັງງານຈາກຈີນຈະຫຼຸດລົງ ແລະຄວາມຕຶງຄຽດດ້ານພູມສາດການເມືອງໃນຕາເວັນອອກກາງຜ່ອນຄາຍລົງ ຍັງກົດດັນໃຫ້ລາຄານ້ຳມັນດິບ WTI ຢູ່ໃນລະດັບຕ່ຳສຸດນັບແຕ່ເດືອນກຸມພາ.
ຫຼັງຈາກລາຄາຄຳ (XAUUSD) ຂຶ້ນເຖິງຈຸດສູງສຸດໃນຮອບປີ ລາຄາກໍໄດ້ປັບຕົວລົງເປັນມື້ທີ 2 ຕິດຕໍ່ກັນ. ການອ່ອນຄ່າຂອງໂລຫະຊະນິດນີ້ເຊື່ອມໂຍງກັບບັນຍາກາດຕະຫຼາດທີ່ລະມັດລະວັງ ກ່ອນການເປີດເຜີຍຂໍ້ມູນສຳຄັນທີ່ຈະມາເຖິງ ເຊິ່ງລວມເຖິງຄ່າ PMI ເບື້ອງຕົ້ນຂອງເດືອນສິງຫາ ແລະກອງປະຊຸມປະຈຳປີຂອງບັນດາທະນາຄານກາງທີ່ງານສຳມະນາ Jackson Hole.
ໃນລະຍະຕໍ່ໄປ ຜູ້ຫຼິ້ນໃນຕະຫຼາດຈະຈັບຕາເບິ່ງສັນຍານການຊະລໍຕົວຂອງເສດຖະກິດຈາກອັດຕາດອກເບ້ຍທີ່ສູງຂຶ້ນ ເຊິ່ງອາດສົ່ງຜົນກະທົບຕໍ່ສະກຸນເງິນ. ໃນການນີ້ ນັກຊື້ຂາຍຈະຈັບຕາເບິ່ງຕົວເລກ PMI ຂັ້ນຕົ້ນຂອງເດືອນສິງຫາຈາກບັນດາເສດຖະກິດຫຼັກ.
ເງິນໂດລາສະຫະລັດອາດຈະຍັງອ່ອນຄ່າຕໍ່ໄປ ຖ້າ Fed ເລີ່ມຫຼຸດອັດຕາດອກເບ້ຍໃນເດືອນກັນຍາ. ຜູ້ລົງທຶນຍັງຈະຈັບຕາເບິ່ງກອງປະຊຸມ Jackson Hole Symposium ເພື່ອຊອກຫາສັນຍານກ່ຽວກັບການຫຼຸດອັດຕາດອກເບ້ຍເພີ່ມເຕີມ ແລະຜົນກະທົບທີ່ອາດມີຕໍ່ສິນຊັບທີ່ມີຄວາມສ່ຽງສູງກວ່າ. ຕົວເລກ PMI ປະຈຳເດືອນສິງຫາຈະມີຄວາມສຳຄັນຕໍ່ການປະເມີນສຸຂະພາບຂອງເສດຖະກິດ ແລະມີອິດທິພົນຕໍ່ການເຄື່ອນໄຫວຂອງສະກຸນເງິນ.
ຂໍໃຫ້ທ່ານໂຊກດີໃນການຊື້ຂາຍ!
